හා හා පුරා කියල ගත්තේ Lighter එකක්

ගොඩකාලෙනින් බ්ලොග් එකට පෝස්ට් එකක් දාන්න බැරිවුණා.මම අද හිතුවා මම අන්තර්ජාලයෙන් හොයපු සල්ලිවලින් කරපු මුල්ම ගණුදෙනුව ගැන කියන්න.මම මුලින්ම නෙට් එකෙන් සල්ලි හොයන්න බැස්සේ ඇඩ් ක්ලික් කරලා.ඒත කාලයක් යනකොට ඒක එපා වුණා ඒකෙන් කීයක් වත් හම්බ කළෙත් නෑ.ඊළගය ගියේ microworkers වලට එකෙන් තමයි නෙට් එකෙන් කියලා මුලින්ම කීයක් හරි හොයාගත්තේ ඒකටත් කාලයක් මහන්සි වෙන්න වුණා.

අන්තිමට ඕකෙ වැඩකරලා හම්බවුණ ඩොලර් 10 alertpay එකට දාගත්තා.දැන් ඉතින් ඕකෙන් වැඩක් ගන්නකම් ඉවසිල්ලක් නැතිව හිටියේ.අන්තිමට ජංජාලෙම සේර්ච් කරලා alertpay එකෙන් බඩු ගන්න පුළුවන් සයිට් එකක් හොයාගත්ත.ඒකෙ නම lrapshop. ගිහිල්ලා බැලුවා මොනවද ගන්න තියෙන්නේ කියලා.ඩොලර් 10ට ඉතින් රටක් වටින බඩු නෑ නේ.හොයනකොට හිතට අල්ලුවා Lighter එකක්.අනේ මන්ද සංසාරේ පුරුද්දකටද කොහෙද ගන්න මයි හිතුනේ.ඕන දෙයක් වෙච්චදෙන් කියලා ඕඩර් කළා.ඩොලර් 7යි.ගාණ ගැන හිතුනේ නෑ මුලින්ම ගන්න දේ නිසා මොකක් හරි ගන්නයි ඕන වෙලා තිබුණේ.ෆොටෝ එකේ තියෙන්නේ මම ගත්ත Lighter එක.

ගත්ත වගේ නෙවෙයි එතනින් පස්සේ තමයි වැඩේ මේක ආවේ ගෙදරට නේ...ප්‍රශ්න ලෝකයයි.මේකෙන් කරන්නේ සිගරට් පත්තු කරන එක විතරක් නෙවෙයි නේ...ඒත් ඉතින් හැමෝම ඕක තේරුම් ගන්නේ නෑ නේ...කොහොම හරි ඉතින් අන්තිමට කට නිසා ජාමේ බේරගත්තා...